உலகின் முதல் COVID-19 தடுப்பூசி Sputnik-V குறித்து ரஷ்யாவுடன் பேச்சுவார்த்தை நடத்தும் இந்தியா

Spread the love


Worlds first COVID-19 vaccine Sputnik-V: கொரோனா வைரஸ் நாவலுக்கு எதிராக ஒரு தடுப்பூசியை உருவாக்கும் போட்டிக்கு மத்தியில், இந்திய சுகாதார அமைச்சகம் இன்று ரஷ்யாவுடன் பேச்சுவாரத்தை நடத்தி வருகிறது. உலகின் முதல் COVID-19 தடுப்பூசியான ஸ்பூட்னிக்-விவ -ஐ  ரஷ்யாவின் அதிபர் விளாடிமிர் புடின் (President Vladimir Putin) அறிமுகப்படுத்தினார்.

“ஸ்பூட்னிக் -5 தடுப்பூசியை வாங்குவது மற்றும் பயன்படுத்துவது குறித்து இந்தியாவும் ரஷ்யாவும் தொடர்புகளில் உள்ளன. சில ஆரம்ப தகவல்கள் பகிரப்பட்டுள்ளன” என்று மத்திய சுகாதார அமைச்சின் செயலாளர் ராஜேஷ் பூஷண் (Rajesh Bhushan) தெரிவித்தார்.

முன்னதாக, இந்திய மருத்துவ ஆராய்ச்சி நிறுவனத்தின் (ஐ.சி.எம்.ஆர் – ICMR) இயக்குநர் ஜெனரல் பால்ராம் பார்கவா, “ரஷ்யா ஒரு தடுப்பூசியை அதன் ஆரம்ப கட்டங்களில் வெற்றிகரமாக கண்டறிந்துள்ளது, அதன் வளர்ச்சியை அவர்கள் கண்காணித்துள்ளனர்” என்று கூறினார்.

ALSO READ |  உலகின் முதல் COVID-19 தடுப்பூசி: 40,000 பேர் மீது இறுதிக்கட்ட சோதனை செய்யும் ரஷ்யா

ரஷ்யா சமீபத்தில் “உலகின் முதல் கோவிட் -19 தடுப்பூசி” (world’s first Covid-19 vaccine) பதிவு செய்திருந்தது, ரஷ்யா இறுதி சோதனையைத் தொடங்க உள்ளது. மூன்றாம் கட்ட சோதனையில் சுமார் 40,000-க்கும் அதிகமானோர் ஈடுபடுத்தப்படுவார்கள் எனவும் கூறியுள்ளது.

ஸ்பூட்னிக் வி (Sputnik V) என அழைக்கப்படும் இந்த தடுப்பூசியை கமலேயா ஆராய்ச்சி நிறுவனம் மற்றும் ரஷ்ய பாதுகாப்பு அமைச்சகம் உருவாக்கியுள்ளது. இரண்டு மாதங்களுக்கும் குறைவான மனித பரிசோதனைக்கு பின்னர் ரஷ்யா இந்த தடுப்பூசியை பதிவு செய்தது. ஆரம்ப சோதனைகளின் முடிவுகள் இன்னும் பகிரங்கப்படுத்தப்படவில்லை.

இது தவிர, இந்தியா தனது கோவிட் -19 தடுப்பூசியின் வளர்ச்சியையும் அதிகரித்துள்ளது என்றும் அமைச்சகம் குறிப்பிட்டுள்ளது. தற்போது மூன்று COVID-19 தடுப்பூசிகள் “இந்தியாவில் பந்தயத்தில் முன்னணியில் உள்ளன” என்று டாக்டர் பார்கவா கூறினார்

ALSO READ |  COVID-19 Vaccine தயாரிப்பை தொடங்கியுள்ள ரஷ்யா.. சந்தேகத்தை கிளப்பும் விஞ்ஞானிகள்

சீரம் இன்ஸ்டிடியூட் தடுப்பூசி கட்டம் 2 (பி) மற்றும் 3 ஆம் கட்ட சோதனைகளில் உள்ளது மற்றும் பாரத் பயோடெக் மற்றும் ஜைடஸ் காடிலாவின் தடுப்பூசிகள் கட்டம் 1 சோதனையை முடித்துவிட்டதாக டாக்டர் பார்கவா தெரிவித்தார்.

இதற்கிடையில், நாட்டின் கோவிட் -19 நிலைமையைப் (Covid-19 situation) பொறுத்தவரை, கோவிட் -19 ஐக் கண்டறிவதற்கான சோதனைகள் அதிவேகமாக அதிகரித்துள்ள நிலையில், நாட்டின் கொரோனா தொற்று விகிதத்தில் நிலையான சரிவு ஏற்பட்டுள்ளது என்று அமைச்சகம் தெரிவித்துள்ளது.

“மீட்கப்பட்டவர்களின் எண்ணிக்கை, தற்போது நாட்டில் சிகிச்சை பெற்று வரும் எண்ணிக்கையை விட 3.4 மடங்கு அதிகம்” என்று அமைச்சின் அதிகாரி ஒருவர் தெரிவித்தார்.

ALSO READ |  தடுப்பூசி வந்தாச்சு! கொரோனா வைரஸ் தொற்று எப்போது “END-க்கு” வரும்? பிப்ரவரி 2021





Source link

Previous Article
Next Article

Leave a Reply

Your email address will not be published. Required fields are marked *