‘ஒவ்வொரு தகவலுக்கும் 1000 டாலர்’: சீனாவுக்கு தகவல்களை விற்ற Rajiv Sharma கைது!!

Spread the love


புது தில்லி: அதிகாரப்பூர்வ ரகசியங்கள் சட்டத்தின் (Official Secrets Act) கீழ் செப்டம்பர் 14 ஆம் தேதி டெல்லியில் இருந்து கைது செய்யப்பட்ட ஃப்ரீலான்ஸ் பத்திரிகையாளர் ராஜீவ் சர்மா (Rajiv Sharma) குறித்து போலீசார் பல வெளிப்பாடுகளை வெளியிட்டுள்ளனர். இந்தியாவின் எல்லை செயலுத்தி குறித்தும், எல்லை விவகாரத்தில் இந்தியா எடுக்கும் சில முக்கிய முடிவுகள் குறித்தும் சீன புலனாய்வு அமைப்புக்கு ராஜீவ் தகவல் அளித்து வருவதாக போலீசார் தெரிவித்துள்ளனர்.

2016 முதல் 2018 வரை சீன புலனாய்வு அதிகாரிகளுக்கு ஊடகவியலாளர் ராஜீவ் சர்மா முக்கியமான தகவல்களை அனுப்பி வந்ததாக டெல்லி காவல்துறை (Delhi Police) சிறப்புப் பிரிவின் டி.சி.பி சஞ்சீவ் குமார் யாதவ் தெரிவித்தார். பல நாடுகளில், சர்மா சீன அதிகாரிகளை சந்தித்தார். எல்லையில் இராணுவத்தின் நிலைப்பாடுகள் குறித்தும், இந்தியாவின் எல்லை வியூகம் குறித்தும் சீன புலனாய்வு அமைப்புக்கு ராஜீவ் சர்மா தெரிவித்ததாக போலீசார் தெரிவித்தனர்.

ஒவ்வொரு தகவலுக்கும் $ 1000 பெறப்பட்டது

சீனர்களுக்கு ரகசிய தகவல் கொடுத்ததற்காக கைது செய்யப்பட்ட ராஜீவ் சர்மாவுக்கு கடந்த ஒரு வருடத்தில் 40-45 லட்சம் ரூபாய் கிடைத்ததாக டெல்லி காவல்துறை (Delhi Police) தெரிவித்தனர். ஒவ்வொரு தகவலுக்கும் சர்மா 1000 டாலர்களைப் பெற்றார். ராஜீவ் ஷர்மாவுக்கு கிட்டத்தட்ட 40 ஆண்டுகால பத்திரிகை அனுபவம் உள்ளது என்றும், இந்தியாவில் பல ஊடக நிறுவனங்களுக்கு எழுதியதுடன் அவர் சீன அரசாங்க செய்தித்தாள் ‘குளோபல் டைம்ஸ்’ பத்திரிகையிலும் (Global Times Magazine) பாதுகாப்பு விஷயங்களைப் பற்றி எழுதியுள்ளார் என்று போலீசார் கூறினர்.

ALSO READ: கேரளா மேற்குவங்களத்தில் பயங்கரவாதிகள் கைது.. NIA அதிரடி நடவடிக்கை..!!!

ராஜீவ் 2016 இல் சீன முகவருடன் தொடர்பு கொண்டார். மத்திய புலனாய்வு அமைப்பின் தகவலின் அடிப்படையில், ஃப்ரீலான்ஸ் பத்திரிக்கையாளர் ராஜீவ் சர்மா செப்டம்பர் 14 அன்று கைது செய்யப்பட்டார். அவரிடமிருந்து பாதுகாப்பு அமைச்சகத்தின் ரகசிய ஆவணங்கள் கண்டுபிடிக்கப்பட்டன.

ராஜீவின் சீன மற்றும் நேபாள தோழர்களும் கைது செய்யப்பட்டனர்

முன்னதாக, ஒரு சீன பெண் மற்றும் அவரது நேபாளி தோழர் ஒருவரும் கைது செய்யப்பட்டுள்ளதாக டெல்லி காவல்துறை (Delhi Police) சனிக்கிழமை தெரிவித்தனர். இவர்கள் ‘சீன புலனாய்வு அமைப்பிற்கு’ முக்கியமான தகவல்களை வழங்குவதற்கு ஈடாக ஃப்ரீலான்ஸர் பத்திரிகையாளர் ராஜீவ் சர்மாவுக்கு பெரும் தொகையை செலுத்தியதாக போலீசார் கூறினர். “குற்றம் சாட்டப்பட்டவர்களிடமிருந்து ஏராளமான மொபைல் போன்கள், மடிக்கணினிகள் மற்றும் பிற ஆட்சேபனைக்குரிய / உணர்திறன் பொருட்கள் மீட்கப்பட்டுள்ளன” என்று போலீசார் தெரிவித்தனர்.

ALSO READ: இந்தியாவுக்கு எதிரான பாகிஸ்தானின் சதி UNGA கூட்டத்தில் அம்பலம்..!

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link – https://bit.ly/3hDyh4G

Apple Link – https://apple.co/3loQYeR

 





Source link

Previous Article
Next Article

Leave a Reply

Your email address will not be published. Required fields are marked *